Ghamgeen Dehlvi

shama-ru aashiq ko apne yun jalana chahiye

Ghamgeen Dehlvi

1753-1851

sham.a-rū āshiq ko apne yuuñ jalānā chāhiye

kuchh hañsānā chāhiye aur kuchh rulānā chāhiye

zindagī kyūñkar kaTe be-shaġhl is piirī meñ aah

tum ko ab us naujavāñ se dil lagānā chāhiye

is maiñ sab rāz-e-nihāñ ho jā.eñge ham par ayaañ

phir use ik baar ghar apne bulānā chāhiye

phir ye mumkin hai ki mere paas ik dam rahe

kuchh na kuchh ai yaar bas tujh ko bahānā chāhiye

go bahut hoshiyār āshiq ai parī-rū haiñ tire

lekin un meñ ek 'ġhamgīñ' divāna chāhiye

Top Urdushayar.com