Abhay Kumar Bebak

kahan kuchh bhi adhura chahta hun

Abhay Kumar Bebak

Deoria, Uttar pradesh, India

1957
kahāñ kuchh bhī adhūrā chāhtā huuñ
thakā huuñ aur thaknā chāhtā huuñ
ye mumkin to nahīñ par kyā burā hai
jā sab achchhā hī achchhā chāhtā huuñ
samundar chhoḌ kar sahrā meñ aayā
yahāñ dariyā hī dariyā chāhtā huuñ
jahāñ ye chāñd dekhā jā rahā hai
vahāñ sūraj ugānā chāhtā huuñ
mujhe hāsil nahīñ kuchh zindagī se
magar kyuuñ aur jiinā chāhtā huuñ
mujhe 'bebāk' kab ma.alūm hogā
ki āḳhir ḳhud se maiñ kyā chāhtā huuñ
Top Urdushayar.com