kyā kahūñ ki kyā huuñ maiñ
sañg-e-be-sadā huuñ maiñ
dard-e-lā-davā huuñ maiñ
āh-e-nā-rasā huuñ maiñ
dard kī davā huuñ meñ
pyaar kī sadā huuñ meñ
jis kī ibtidā ho tum
us kī intihā huuñ meñ
ḳhud hī rāh-rau bhī huuñ
ḳhud hī rahnumā huuñ maiñ
sochnā fuzūl hai
phir bhī sochtā huuñ maiñ
in pe hai nazar merī
ḳhud ko dekhtā huuñ maiñ
jaane kyā huā mujhe
ḳhud se bhī ḳhafā huuñ maiñ
aao ai 'valī' dekho
kaisā ā.īna huuñ maiñ