yād-e-firāq-e-yār tirā shukriyā bahut
kal raat dil meñ dard hamāre uThā bahut
kal raat tere ġham ne lagā.ī thī phir sabīl
kal raat ham ne zahr-e-halāhal piyā bahut
muddat ke baad phir se mulāqāt ho ga.ī
ham ko udaas dekh ke royā kiyā bahut
shāyad nasīm terā badan chhū ke aa.ī thī
apnī sahar meñ rañg-e-qayāmat rahā bahut
'ajmal' na aap sā bhī koī saḳht-jāñ milā
dekheñ haiñ ham ne yuuñ to sitam-āshnā bahut