mere bachche fuTpāthoñ se adlā-badlī kar aa.e haiñ
chand khilaune de aa.e haiñ Dheroñ ḳhushiyāñ ghar laa.e haiñ
sūkhā, bārish ke māroñ kā dukh kab jā kar ḳhatm huā
sūraj dekh ke Dar jaa.e haiñ bādal dekh ke ghabrā.e haiñ
mere jaise maañg sakeñ kuchh kitnā mushkil hotā hai
sakuchā.e haiñ sharmā.e haiñ ghabrā.e haiñ haklā.e haiñ
sab ke hisse ek sifar thā raaja rañk barābar the
jo bhī the sab joḌ rahe the kyā kho.e kyā paa.e haiñ
bachchoñ meñ ehsās ke paude jo ham ne tab rop diye the
duniyā vāloñ aao dekho ab us meñ phal aa.e haiñ
us kī bātoñ meñ ye jo chiñgārī chamkā kartī haiñ
us ke dil ke andar jaane kitne patthar Takrā.e haiñ