sāhab ke harza-pan se har ek ko gila hai
maiñ jo nibāhtā huuñ merā hai hausla hai
chaudah ye ḳhānvāde haiñ chaar pīr-tan meñ
chishtiyya sab se achchhe ye zor silsila hai
phir kuchh ga.e huoñ kī mutlaq ḳhabar na paa.e
kyā jāniye kidhar ko jaatā ye qāfila hai
bār-e-garāñ uThānā kis vāste azīzo
hastī se kuchh adam tak thoḌā hī fāsla hai
de gāliyāñ hazāroñ sun matl.a is ġhazal kā
kahne lage ki 'inshā' is kā ye sila hai