is darja ishq maujib-e-rusvā.ī ban gayā
maiñ āp-apne ghar kā tamāshā.ī ban gayā
dair o haram kī raah se dil bach gayā magar
terī galī ke moḌ pe saudā.ī ban gayā
bazm-e-vafā meñ aap se ik pal kā sāmnā
yaad aa gayā to ahd-e-shanāsā.ī ban gayā
be-sāḳhta bikhar ga.ī jalvoñ kī kā.enāt
ā.īna TuuT kar tirī añgḌā.ī ban gayā
dekhī jo raqs kartī huī mauj-e-zindagī
merā ḳhayāl vaqt kī shahnā.ī ban gayā