gul tire mukh kī fikr meñ bīmār

jiiv bulbul kā tujh qadam pe nisār

gul kuuñ ai shoḳh mukh tanik dikhlā

ki ḳhizāñ kar dikhā de us kuuñ bahār

mast se dil kuuñ hai hazar lāzim

nain tere bahut hue sarshār

is galī meñ qadam karam suuñ dhar

ki karūñ har qadam pe jiiv nisār

mārtī mujh kuuñ ai kamāñ abrū

ye palak tiir o ye nigah talvār

hijr meñ tere aah kartā hai

dil-e-āshiq nahīñ hai Tuk bekār

kyā kare tujh se paapī suuñ 'fā.ez'

siina ġham suuñ hai tere ābla-dār