tirī gaalī mujh dil ko pyārī lage

duā merī tujh man meñ bhārī lage

tadī qadr-e-āshiq kī būjhe sajan

kisī saath agar tujh kuuñ yaarī lage

bhulā deve vo aish-o-ārām sab

jise zulf siiñ be-qarārī lage

nahīñ tujh sā aur shoḳh ai man hiran

tirī baat dil ko nyārī lage

bhavāñ terī shamshīr zulfāñ kamand

palak terī jaise kaTārī lage

hue sarv bāzār dāman kā dekh

agar gard-e-dāman kanārī lage

na jānūñ tū saaqī thā kis bazm kā

nayan terī mujh kuuñ ḳhumārī lage

vahī qadr 'fā.ez' kī jaane bahut

jise ishq kā zaḳhm kaarī lage