merī jaañ vo bāda-ḳhvārī yaad hai

vaqt-e-mastī girya-zārī yaad hai

motiyā kā haar o champā kī chhaḌī

joḌā-e-dāman-kinārī yaad hai

sab abhūkan tere tan par ḳhushnumā

ḳhūbī-e-añgiyā o saarī yaad hai

abr kā saaya o sabza raah kā

jān-e-man rath kī savārī yaad hai

ko.elāñ ke naale amrā.ī ke biich

us samay kī be-qarārī yaad hai

meñh bī to Tapkatā thā buuñd buuñd

'fā.ez' us din kī savārī yaad hai