ik muntazir-e-va.ada kī sham.a jalī hogī
sūraj ke nikalne se kyā raat Dhalī hogī
batlā.eñ Thikānā kyā chhuTe hue gulshan meñ
guzroge to dekhoge ik shāḳh jalī hogī
bas ek tamannā ho jis ke dil-e-vīrāñ meñ
socho to zarā kitne nāzoñ kī palī hogī
nikle tirī mahfil se to saath na thā koī
shāyad mirī rusvā.ī kuchh duur chalī hogī
kal raat jo maiñ guzrā ik nuur kā taḌkā thā
'masrūr' batāo to vo kis kī galī hogī