ik rāz-e-ġham-e-dil jab ḳhud rah na sakā dil tak
hone do ye rusvā.ī tum tak ho ki mahfil tak
afsāna mohabbat kā puurā ho to kaise ho
kuchh hai dil-e-qātil tak kuchh hai dil-e-bismil tak
bas ek nazar jis kī ātish-zan-e-mahfil hai
vo barq-e-mujassam hai mahdūd mire dil tak
ye rāh-e-mohabbat hai sab is meñ barābar haiñ
bhaTke hue raahī se ḳhizar-e-rah-e-manzil tak
hai azm-e-javāñ sab kuchh tūfān-e-havādis meñ
sāhil kā bharosa kiyā ye jāatā hai sāhil tak