manzar guzishta shab ke dāman meñ bhar rahā hai

dil phir kisī safar kā sāmān kar rahā hai

yā rat-jagoñ meñ shāmil kuchh ḳhvāb ho ga.e haiñ

chehra kisī ufuq kā yā phir ubhar rahā hai

yā yūñhī merī āñkheñ hairān ho ga.ī haiñ

yā mere sāmne se phir tū guzar rahā hai

dariyā ke paas dekho kab se khaḌā huā hai

ye kaun tishna-lab hai paanī se Dar rahā hai

hai koī jo batā.e shab ke musāfiroñ ko

kitnā safar huā hai kitnā safar rahā hai