hañs rahā thā maiñ bahut go vaqt vo rone kā thā

saḳht kitnā marhala tujh se judā hone kā thā

rat-jage taqsīm kartī phir rahī haiñ shahr meñ

shauq jin āñkhoñ ko kal tak raat meñ sone kā thā

is safar meñ bas mirī tanhā.ī mere saath thī

har qadam kyuuñ ḳhauf mujh ko bhiiḌ meñ khone kā thā

har bun-e-mū se darindoñ kī sadā aane lagī

kaam hī aisā badan meñ ḳhvāhisheñ bone kā thā

maiñ ne jab se ye sunā hai ḳhud se bhī nādim huuñ maiñ

zikr tujh hoñToñ pe mere dar-ba-dar hone kā thā