khiñch ke mahbūb ke dāman kī taraf
aa ga.e aur bhī uljhan kī taraf
tum chhupāte raho kitnā us ko
bijliyāñ ā.eñgī ḳhirman kī taraf
har taraf nuur kā taḌkā dekhā
kaun aayā mire āñgan kī taraf
ai chaman vaalo rukūñ yā jā.ūñ
ik dhuāñ sā hai nasheman kī taraf
ḳhair-maqdam ko jhukeñgī shāḳheñ
ik zarā aao to gulshan kī taraf
'arsh' kis dost ko apnā samjhūñ
sab ke sab dost haiñ dushman kī taraf