paiġhām-e-zindagī hai ḳhushī kī naved hai
mere liye to aap kā dīdār iid hai
kis ne kahā hai ziist mire naam kījiye
do pal bhī saath aap kā īd-e-sa.īd hai
ik aarzū hai aap mire ham-safar baneñ
tā-umr dekhtī rahūñ ye shauq-e-dīd hai
dil Duub jā.egā mirā bārish meñ pyaar kī
sailāb-e-ishq aane kī shāyad shunīd hai
har vaqt mere lab pe rahī hai yahī duā
mil jaa.e vo ki jis kā mirā dil murīd hai
baiThe haiñ but bane hue aise vo sāmne
hone ko ab nigāh se guft-o-shunīd hai
be-shak 'sabīla' maiñ ne raqam kī hai hai dāstāñ
lekin nayā ḳhayāl hai lahja jadīd hai