hādse ziist kī tauqīr baḌhā dete haiñ

ai ġham-e-yār tujhe ham to duā dete haiñ

tere iḳhlās ke afsūñ tire va.adoñ ke tilism

TuuT jaate haiñ to kuchh aur mazā dete haiñ

kū-e-mahbūb se chup-chāp guzarne vaale

arsa-e-zīst meñ ik hashr uThā dete haiñ

haañ yahī ḳhāk-basar soḳhta-sāmāñ ai dost

tere qadmoñ meñ sitāroñ ko jhukā dete haiñ

sīnā-chākān-e-mohabbat ko ḳhabar hai ki nahīñ

shahr-e-ḳhūbāñ ke dar-o-bām sadā dete haiñ

ham ne us ke lab o ruḳhsār ko chhū kar dekhā

hausle aag ko gulzār banā dete haiñ