din chhupā aur ġham ke saa.e Dhale
aarzū ke na.e charāġh jale
ham badalte haiñ ruḳh havāoñ kā
aa.e duniyā hamāre saath chale
lab pe hichkī bhī hai tabassum bhī
jaane ham kis se mil rahe haiñ gale
dil ke in hausloñ kā haal na pūchh
jo tire dāman-e-karam meñ pale
kaun yaad aa gayā azaañ ke vaqt
bujhtā jaatā hai dil charāġh jale
maslahat sar-nigūñ ḳhirad ḳhāmosh
ishq ke aage kis kī daal gale