Yasin Ali Khan Markaz

apna pata mujhe bata bahr-e-KHuda tu kaun hai

Yasin Ali Khan Markaz

apnā pata mujhe batā bahr-e-ḳhudā kaun hai

tujh pe haiñ saare mubtalā bahr-e-ḳhudā kaun hai

nām-e-ḳhudā sunā kiyā tere sivā nahīñ milā

saarī sifat se hai bharā bahr-e-ḳhudā kaun hai

terā hasad to naam thā ho gayā banda kis tarah

terī zaat hai baqā bahr-e-ḳhudā kaun hai

tere se hast kul huī thī adam meñ be-nishāñ

haadī muzil hai barmalā bahr-e-ḳhudā kaun hai

mālik-e-do-jahāñ hai chāhe jise atā kare

kar de gadā ko bādshā bahr-e-ḳhudā kaun hai

tere karam se ai shahā maiñ ne ḳhudā-numā huā

thā fanā baqā milā bahr-e-ḳhudā kaun hai

'markaz'-e-jumla-kā.enāt maz.har-e-zāt-e-kibriyā

tere sivā nahīñ huā bahr-e-ḳhudā kaun hai

Top Urdushayar.com