dard kī ḳhushbū se ye mahkā rahā
jab kabhī kamre meñ maiñ tanhā rahā
umr kī naddī chaḌhī, utrī, ga.ī
jism kā sahrā magar jaltā rahā
din ko taptī filoñ kī ret par
maiñ to abraq kī tarah bikhrā rahā
raat bhar ik jism kī dīvār se
maiñ calender kī tarah chipkā rahā
shab palañg par hāñpte saa.e rahe
ḳhvāb darvāze khaḌā taktā rahā
yaad kī Dibbī meñ kyuuñ rakkho mujhe
maiñ jalī tiilī huuñ, mujh meñ kyā rahā