duā.eñ māñgne vāloñ kā intishār hai kyā
ye māh-o-sāl kā uḌtā huā ġhubār hai kyā
koī sabab hai ki yārab sukūn hai itnā
mujhe ḳhabar hī nahīñ hai ki intizār hai kyā
agar ho duur to qaa.em hai diid kā rishta
agar qarīb ho manzar to iḳhtiyār hai kyā
yahī ki aaj parindoñ se shaam ḳhālī hai
yahī ki mausam-e-jāñ kā bhī e.atibār hai kyā
bahut dinoñ se tabī.at bujhī bujhī sī hai
agar hai kuchh to ghaḌī-do-ghaḌī shumār hai kyā