kabhī azaab kabhī ek tāziyāna hai
hamārā duur guzishta kā shāḳhsāna hai
bas ek vāda-e-fardā pe log zinda haiñ
bas ek lamha-e-maujūd āb-o-dāna hai
tanāzurāt yahāñ to badalte rahte haiñ
tumhārā nek ravayya bhī mujrimāna hai
ab aisī dhuñd meñ mujh ko dikhā.ī kyā degā
hai bas meñ tiir na qaabū meñ vo nishāna hai
vo sañg-e-rāh bhī taaza havā kā jhoñkā bhī
kabhī qayām kabhī har taraf ravāna hai