ek hañgāma bapā hai mujh meñ
koī to mujh se baḌā hai mujh meñ
inkisārī mirā sheva hai magar
ik zarā zo.am-e-anā hai mujh meñ
mujh se vo kaise baḌā hai kahiye
jab ḳhudā merā chhupā hai mujh meñ
maiñ nahīñ huuñ to mirā kaun hai ye
itne janmoñ jo rahā hai mujh meñ
vahī lamhe to ġhazal chheḌte haiñ
jin kī gum-gashta sadā hai mujh meñ
dasht-e-zulmāt meñ ham-rāh mire
koī to hai jo jalā hai mujh meñ