jumbish-e-dil nahīñ bejā tū kidhar bhūlā hai
koī laḌkā ise gahvāra samajh jhūlā hai
ḳhuun tū ne jo bahāyā hai siyah-baḳhtoñ kā
tere kūche meñ ajab shaam o shafaq phūlā hai
ḳhuub rindoñ ne uḌaa.e haiñ maze duniyā ke
hiiz ko bakr hai mardoñ kī vo madḳhūlā hai
behtar hai ishq-e-majāzī tujhe bekārī se
jab talak ishq-e-haqīqī ho ye mashġhūlā hai
pā-e-himmat to mirā lañg nahīñ hai 'hātim'
go mire kaam ke ta.iiñ dast-e-falak luulā hai