karūñ huuñ raat din phere ka.ī phere miyāñ sāhib
kabhī to bhī na paayā tum ko ham Dere miyāñ sāhib
uThāveñ kyuuñ na naktoḌe ki ham chākar haiñ ulfat ke
vagarna tum se aalam meñ haiñ bahtere miyāñ sāhib
jahāñ ke ḳhūbsūrat ham bahut tāḌeñ haiñ nazroñ meñ
tū sab kā sab tarah sāhib hai ai mere miyāñ sāhib
yahī hotī hai āshiq-parvarī kī shart hai zālim
ki ham marte haiñ tum jaate ho muñh phere miyāñ sāhib
burā karte ho jo ghar se nikal jaate ho 'hātim' ke
nashe meñ mast ujiyāle o añdhere miyāñ sāhib