Shaikh Zahuruddin Hatim

koi deta nahin hai dad be-dad

Shaikh Zahuruddin Hatim

Delhi, India

1699-1783

koī detā nahīñ hai daad be-dād

koī suntā nahīñ fariyād fariyād

kaheñ haiñ kyā balā dām-e-balā hai

terī zulfoñ ko ai sayyād sayyād

na rakh ummīd-e-āsā.ish jahāñ meñ

ki hai duniyā be-buniyād buniyād

tujhe ma.ashūqiyat ke fan meñ mahbūb

kaheñ haiñ ishq ke ustād ustād

ga.ī ġhaflat meñ saarī umr 'hātim'

ki jaisī ḳhāk-e-rah barbād barbād

Top Urdushayar.com