vahshat se har suḳhan mirā goyā ġhazāla hai
bū se nasha ho ye vo mai-e-der-sālā hai
is aan par nisār karūñ bazm-e-jām-e-jam
vo mast-e-nāz aaj mirā ham-piyāla hai
begāna dekhtā huuñ maiñ har gul kā rañg-o-bū
ham-dāġh is chaman meñ agar hai to laala hai
aa.e ho ab to duḳhtar-e-raz dekhte ho kyā
mashrab meñ mai-kasho ye tumhārī halāla hai
tanhā nahīñ chalā huuñ maiñ 'hātim' butāñ ke shahr
ham-rāh is safar meñ mirā āh-o-nāla hai