yaar niklā hai āftāb kī tarah
kaun sī ab rahī hai ḳhvāb kī tarah
chashm-e-mast-e-siyah kī yaad mudām
shīsha-e-dil meñ hai sharāb kī tarah
kabhū ḳhāmosh huuñ kabhū goyā
sarnavisht hai mirī kitāb kī tarah
past ho chal misāl dariyā ke
ḳhema barpā na kar habāb kī tarah
pā-bosī kuuñ us kā hai gar shauq
qad kuuñ apne banā rikāb kī tarah
saaf dil hai to aa kudūrat chhoḌ
mil har ik rañg biich aab kī tarah
piiv piive hai sharāb 'hātim' saath
kyuuñ na dushman jale kabāb kī tarah