shahr meñ phirtā hai vo mai-ḳhvār mast
kyuuñ na ho har kūcha o bāzār mast
ho ga.ī us kā qad o ruḳhsār dekh
sarv qumrī bulbul o gulzār mast
zāhido uTh jaao majlis se ki aaj
be-tarah aatā hai vo mai-ḳhvār mast
jis ke ghar jaatā hai vo daarū piye
ho hai us ghar ke dar-o-dīvār mast
sar ko qadmoñ par dhar us ke loTiye
raat ko aa.e agar vo yaar mast
mai-kasho 'hātim' ko matvālā kaho
aisā ham dekhā nahīñ hoshiyār mast