hālāt ab to itne dushvār ho ga.e haiñ
ham nīm-shab meñ akasr bedār ho ga.e haiñ
jo log sāda-dil the purkār ho ga.e haiñ
ab aadmī ke rishte dushvār ho ga.e haiñ
ye zindagī kī ne.amat kis ko nahīñ hai pyārī
mat pūchh is se ham kyuuñ bezār ho ga.e haiñ
usrat meñ jin kā sheva kal tak thā ḳhud-faroshī
daulat ke milte hī vo ḳhuddār ho ga.e haiñ
dushman ko ho gayā hai andāza kuchh hamārā
dushman se ham bhī lekin hoshyār ho ga.e haiñ
mātam nahīñ munāsib ab jaan ke jahāñ kā
dasht-e-talab ke raste hamvār ho ga.e haiñ