dil samundar thā lekin ye tishna-labī
merī qismat meñ kis roz likkhī ga.ī
aañkh pur-nam magar muskurāhaT mirī
kah rahī thī kahānī mire ishq kī
ishq ke sail ko rokne ke liye
ġham kī dīvār raste meñ rakh dī ga.ī
zulmateñ sah gayā maiñ isī aas par
chāñd niklā to jā.egī tīra-shabī
dilrubā shahr ke kuchh se kuchh ho ga.e
merī manzil musalsal vahī kī vahī
ḳhaar chubhte ga.e ḳhaar chuntā gayā
thā parastār-e-gulzār ākif-'ġhanī'