ka.ī zamānoñ se mujh meñ jo dard bikhrā thā
zarā sī umr meñ us ne kahāñ simaTnā thā
nahīñ gila jo mujhe mil gayā hai ġham itnā
kabhī kisī ne to āḳhir ye dard sahnā thā
lage the kāñpne jallād ke jo dast o pā
ajal se mil ke gale koī muskurāyā thā
ḳhirāj detā chalā aa rahā huuñ nasloñ se
ye kis ġhanīm ke hāthoñ meñ itnā haarā thā
maiñ kab kā TuuT ke 'haidar' bikhar gayā hotā
ḳhudā kā shukr tire dard kā sahārā thā