zamīr-e-lāla mai-e-lāl se huā labrez
ishāra paate hī suufī ne toḌ dī parhez
bichhā.ī hai jo kahīñ ishq ne bisāt apnī
kiyā hai us ne faqīroñ ko vāris-e-parvez
purāne haiñ ye sitāre falak bhī farsūda
jahāñ vo chāhiye mujh ko ki ho abhī nau-ḳhez
kise ḳhabar hai ki hañgāma-e-nashūr hai kyā
tirī nigāh kī gardish hai merī rustā-ḳhez
na chhīn lazzat-e-āh-e-sahar-gahī mujh se
na kar nigah se taġhāful ko iltifāt aamez
dil-e-ġhamīñ ke muāfiq nahīñ hai mausam-e-gul
sadā-e-murġh-e-chaman hai bahut nashāt añgez
hadīs-e-be-ḳhabrāñ hai tū bā zamāna ba-sāz
zamāna bā to na sāzad tū bā zamāna satez