agar tū saath chal paḌtā safar āsān ho jaatā
ḳhushī se umr bhar jiine kā ik sāmān ho jaatā
na jā kar kyuuñ jatātā hai jo jaanā thā chalā jaatā
bahut hotā to ye hotā ki maiñ hairān ho jaatā
jo merī samt tū do gaam bhī hañs kar chalā aatā
maiñ tere aur tū mere liye īmān ho jaatā
ḳhushī se mujh pe kyā jaane guzar jaanī thī phir 'hāmid'
ghaḌī pal ko bhī tū mujh par jo kuchh qurbān ho jaatā