pahle to mujhe kahā nikālo

phir bole ġharīb hai bulā lo

be-dil rakhne se fā.eda kyā

tum jaan se mujh ko maar Daalo

us ne bhī to dekhī haiñ ye āñkheñ

aañkh ārasī par samajh ke Daalo

aayā hai vo mah bujhā bhī do sham.a

parvānoñ ko bazm se nikālo

ghabrā ke ham aa.e the sū-e-hashr

yaañ pesh hai aur mājrā lo

takiye meñ gayā to maiñ pukārā

shab tiira hai jaago sone vaalo

aur din pe 'amīr' takiya kab tak

tum bhī to kuchh aap ko sambhālo