judā jo pahlū se vo dilbar yagāna huā
tapish kī yaañ ta.iiñ dil ne ki dard shāna huā
jahāñ ko fitne se ḳhālī kabhū nahīñ paayā
hamāre vaqt meñ to aafat zamāna huā
ḳhalish nahīñ kaso ḳhvāhish kī raat se shāyad
sarishk-e-yās ke parde meñ dil ravāna huā
ham apne dil kī chale dil hī meñ liye yaañ se
hazār haif sar-e-harf us se vā na huā
khulā nashe meñ jo pagḌī kā pech us kī 'mīr'
samand-e-nāz pe ek aur tāziyāna huā