mujh soz ba.ad-e-marg se āgāh kaun hai
sham-e-mazār miir ba-juz aah kaun hai
bekas huuñ muztarib huuñ musāfir huuñ be-vatan
dūrī-e-rāh ban mire hamrāh kaun hai
labrez jis ke husn se masjid hai aur dair
aisā butoñ ke beach vo allāh kaun hai
rakhiyo qadam sambhal ke ki tū jāntā nahīñ
mānind-e-naqsh-e-pā ye sar-e-rāh kaun hai
aisā asiir ḳhasta-jigar maiñ sunā nahīñ
har aah 'mīr' jis kī hai jāñ-kāh kaun hai