mohabbat kā jab roz bāzār hogā
bikeñge sar aur kam ḳharīdār hogā
tasallī huā sabr se kuchh maiñ tujh bin
kabhī ye qayāmat trahdār hogā
sabā mū-e-zulf us kā TuuTe to Dar hai
ki ik vaqt meñ ye siyah-mār hogā
mirā daañt hai tere hoñToñ pe mat pūchh
kahūñgā to laḌne ko tayyār hogā
na ḳhālī rahegī mirī jāgah gar maiñ
na hūñgā to andoh bisyār hogā
ye mansūr kā ḳhūn-e-nāhaq ki haq thā
qayāmat ko kis kis se ḳhūñ-dār hogā
ajab shaiḳh-jī kī hai shakl-o-shamā.il
milegā to sūrat se bezār hogā
na ro ishq meñ dasht-gardī ko majnūñ
abhī kyā huā hai bahut ḳhvār hogā
khiñche ahd-e-ḳhat meñ bhī dil terī jānib
kabhū to qayāmat trahdār hogā
zamīñ-gīr ho ijz se tū ki ik din
ye dīvār kā saaya dīvār hogā
na mar kar bhī chhūTegā itnā rukegā
tire daam meñ jo giraftār hogā
na pūchh apnī majlis meñ hai 'mīr' bhī yaañ
jo hogā to jaise gunahgār hogā