agar kahne se pahle ho rahā hai

na pūchho kis tarah se ho rahā hai

mohabbat vaqt se pahle to kar lī

ghaḌī kā shauq kaise ho rahā hai

hamāre dil meñ kuchh us kī vaj.h se

vo maane yā na maane ho rahā hai

tamāshā dekhne aa.ī ho merā

ki kaise chāñd TukḌe ho rahā hai

tirī photo banā kar kyā batā.ūñ

ki kyā kuchh camere pe ho rahā hai

mohabbat sabr donoñ kar rahā huuñ

zarā socho ye kaise ho rahā hai

vo jab bhī ishq kā kahtī hai mujh se

meñ kah detā huuñ ok ho rahā hai

meñ ḳhvāboñ ko banātā huuñ haqīqat

ye āñkhoñ ke zariye ho rahā hai

ye āshiq falsafī thā is se pahle

ye jaa.ez hai jo is pe ho rahā hai