maut kī kab rukī hai gaaḌī dost
chāhe thoḌī bhī ho savārī dost
vo vasīle se ḳhvāb meñ aa.ī
pahlī dekhī ga.ī thī us kī dost
laḌke kī dostī kī bāteñ haiñ
laḌkī hotī hai sab se achchhī dost
ham do bande haiñ aur cigarette ek
ab ḳhabar hogī dostī kī dost
jitnī tum ne sunā dī mujh ko baat
itnī bardāsht mujh meñ thī bhī dost
ḳhvāb meñ bhī vahī añdherā hai
ḳhvāb meñ bhī nahīñ hai bijlī dost