ishq meñ har balā ko aane do

mujh ko merā maqām paane do

guzrī bātoñ ko kaise jaane duuñ

ahd-e-māzī ko yaad aane do

marhaloñ se gurez kyā māne.a

himmat-e-zīst ko baḌhāne do

ḳhud samajh leñge dil ko vo mere

un ko dil ke qarīb aane do

kal unheñ bhī to phuul banñā hai

aaj ġhunchoñ ko muskurāne do

un kī dariyā-dilī ko dekheñ ham

aaj dāman hameñ baḌhāne do

jin ko 'rāje' qarīb samjhā hai

vo satāte haiñ to satāne do