tārāj ḳhvāhishoñ kā mudāvā na ho sakā
koī hamāre vāste iisā na ho sakā
itnī shadīd dhuup thī mujh pe ki umr-bhar
abr-o-daraḳht se kabhī saaya na ho sakā
nīñdoñ meñ chhoḌ kar hameñ aage nikal gayā
ham se us ek ḳhvāb kā pīchhā na ho sakā
guzre phir ek baar to donoñ ke darmiyāñ
vo vāqi.a jo tuur pe puurā na ho sakā
dahkān-e-ġham ne ḳhuun se sīñchī zamīn-e-dil
lekin ye dasht dasht thā sabza na ho sakā