Ahmad Irfan

sara-e-dahr ka jalta makan chhoD gaya

Ahmad Irfan

Gujar Khan, Punjab, Pakistan

1979
sarā-e-dahr kā jaltā makān chhoḌ gayā
magar vo shaḳhs ki apnā nishān chhoḌ gayā
sukūn ke vo sabhī pal to le gayā hai magar
mire vajūd meñ apnī thakān chhoḌ gayā
bhañvar ke beach mire nāḳhudā ko kyā sūjhī
ki naav chhoḌ gayā bādbān chhoḌ gayā
qafas meñ thā to parinda chahaktā rahtā thā
magar falak pe vo apnī uḌaan chhoḌ gayā
kisī bhī shaḳhs ke jaane kā kyā gila kartā
balā kī dhuup meñ jab sā.ebān chhoḌ gayā
Top Urdushayar.com