Hatim Ali Mehr

ba-KHuda hain teri hindu bu-e-mai-KHwar aankhen

Hatim Ali Mehr

Aligarh, Uttar pradesh, India

1815-1879

ba-ḳhudā haiñ tirī hindū bu-e-mai-ḳhvār āñkheñ

nashshe Dorī nahīñ pahne haiñ zunnār āñkheñ

chashm-e-āhū se ġharaz thī na mujhe nargis se

terī āñkhoñ se jo miltīñ na ye do-chār āñkheñ

chār-chashm is liye kahtā hai mujhe ik aalam

ki mirī āñkhoñ meñ phirtī haiñ tirī yaar āñkheñ

dekhte rahte haiñ ham raah tumhārī sāhab

aap aate nahīñ aa jaatī haiñ har baar āñkheñ

pyaar se maiñ ne jo dekhā to vo farmāte haiñ

dekhiye dekhiye hotī haiñ gunahgār āñkheñ

chuum lete haiñ vo ā.īne meñ āñkheñ apnī

lab masīhā.ī kareñge ki haiñ bīmār āñkheñ

āgara chhūT gayā 'mehr' to chunnār meñ bhī

DhūñDā kartī haiñ vahī kūcha-o-bāzār āñkheñ

Top Urdushayar.com