zād-e-rah le ke yādoñ kī tanvīr maiñ
gum-shuda rāstoñ kā huuñ rāhgīr maiñ
us se kah do ki le jaa.e āñkheñ mirī
us kī dil meñ sañbhālūñgā tasvīr maiñ
gaañv ujḌā huā phir se ābād ho
ik havelī karūñ aisī ta.amīr maiñ
koī batlā.e bhī kyā ḳhatā hai mirī
kis liye sah rahā huuñ yuuñ ta.azīr maiñ
mujh ko dī hai amānat miyāñ qais ne
ishq terī baḌhā.ūñgā tauqīr maiñ
mere apne haiñ shāmil saf-e-dushmanāñ
kaise 'arshad' uThā.ūñgā shamshīr maiñ