kyā yaad kar ke ro.uuñ ki kaisā shabāb thā
kuchh bhī na thā havā thī kahānī thī ḳhvāb thā
ab itr bhī malo to takalluf kī bū kahāñ
vo din havā hue jo pasīna gulāb thā
mahmil-nashīñ jab aap the lailā ke bhes meñ
majnūñ ke bhes meñ koī ḳhāna-ḳharāb thā
terā qusūr-vār ḳhudā kā gunāhgār
jo kuchh ki thā yahī dil-e-ḳhāna-ḳharāb thā
zarra samajh ke yuuñ na milā mujh ko ḳhaak meñ
ai āsmān maiñ bhī kabhī āftāb thā