milā kar ḳhaak meñ phir ḳhaak ko barbād karte haiñ
ġharīboñ par sitam kyā kiyā sitam-ījād karte haiñ
hazāroñ dil jalā kar ġhair kā dil shaad karte haiñ
miTā kar saikḌoñ shahr ek ghar ābād karte haiñ
mo.azzin ko bhī vo sunte nahīñ nāqūs to kyā hai
abas shaiḳh o barhaman har taraf fariyād karte haiñ
hasīnoñ kī mohabbat kā na kar kuchh e'tibār ai dil
ye zālim kis ke hote haiñ ye kis ko yaad karte haiñ
vahī shāgird phir ho jaate haiñ ustād ai 'jauhar'
jo apne jaan o dil se ḳhidmat-e-ustād karte haiñ