maiñ pahle to bahut bādal banātā
phir is ke baad ik jañgal banātā
agar hotā maiñ kūza-gar tumhārā
bachī miTTī se phir sandal banātā
use tum pair se lagne na detī
agar hāthoñ se maiñ paa.el banātā
banāyā thā tujhe āñkhoñ kā aañsū
hameñ bhī yaar tū kājal banātā
tumheñ daldal banā rakkhā hai us ne
maiñ jo hotā na to maḳhmal banātā
na kī ā.īne se tārīf maiñ ne
amā pāgal ko kyā pāgal banātā