tire ḳhayāl ke sadqe ye kyā maqām aayā

kabhī hayāt kabhī maut kā payām aayā

tirā ḳhayāl mirā soz-e-ārzū-e-sahar

koī to thā shab-e-furqat jo dil ke kaam aayā

kisī umiid kā maarā dikhā.ī detā thā

vo ḳhush-nasīb parinda jo zer-e-dām aayā

kisī ke ḳhat meñ kaheñ zikr tak na thā us kā

vo ik payām-e-ḳhusūsī jo dil ke naam aayā

na pūchh kitnī hayāt-āfrīñ hai rāh-e-vafā

sunā hai 'dil' bhī usī marhale meñ kaam aayā