Gulzar Vafa Chaudari

ek main hun aur lakh masail KHuda gawah

Gulzar Vafa Chaudari

ek maiñ huuñ aur laakh masā.il ḳhudā gavāh

dast-e-talab hai kāsa-e-sā.il ḳhudā gavāh

āñkheñ khulīñ to aur manzar thā rū-ba-rū

ḳhud maiñ thā apnī raah meñ haa.il ḳhudā gavāh

ye kā.enāt raqs meñ hai ik mire liye

pahne hue nujūm paa.el ḳhudā gavāh

dil meñ mohabbateñ haiñ to ā.ankhoñ meñ hairateñ

mere faqat yahī haiñ vasā.el ḳhudā gavāh

munsif tirī taraf sahī par ḳhūn-e-be-gunāh

degā tire ḳhilāf dalā.el ḳhudā gavāh

din-rāt ik junūn-e-talāsh-e-ma.āsh hai

ab koī munharif hai na qaa.il ḳhudā gavāh

Top Urdushayar.com